أفي خاطر لالة نعم أو لالة لا مع السيد انقطاع، ماغادش..
مقالات
17 04 2021 - 16:16
25 قراءة



السلام عليكم
لم يأت بعد السيد واحد يوليوز مازال كنتسناوه يجي للاستفتاء عليه إلا أن الناس انتاع الفتوى غايبين باش نسميوا المولود الجديد سعيد ولا شي اسم آخر بحال المستقبل .

يخيل لك من ناحية أخرى أنالسيد واحد يوليوز لم نحترمه جيدا،بغينا نولدوه بالخفة أو ماعرافناش قسم الولادة في أحفير كراه داير،باش مايخرجش هذا سعيد معوق.أوحتى الوقت شي شوي قصير.
وشوف كأن الاستفتاء قد وقع السيد "ج"مع كل احتراماتي نقز الحواجز بحال شي راه في العدو الريفي اختصاص تنقاز ديال الحواجز .

السيد "ج" و كي المعارضة وكي في لفالحكومة قال في عدة مرات "نعم" وبحالي راه باغي يقال له"والرضا آسيدي...." الله يحسن العون خكوم راه مسجون في الأفكار البالية القديمة انتاع الثمانينات والسبعينات ،ماتخافش لكستري، و شهادة السكنى وووو...غد يعطيوهم لك إذا استحقيتهوم.هذا الشي ياسمعني أوزيد سمعني كما قال ناس الغيوان،هما لي كانوا يهددونا بهم.هذه هي الحقيقة.ماغاديش ندرق الشمس بالغربال لأنه مطقوب.

لالة "نعم" راها ورث كبير مايمكنش تسمح فيه.وا صعيبة التوبة.اللهم اجعلنا من التوابين المتطهرين.

ماكان عليك غير تقرا بنود الدستور الجديد وتمشي تصوت بالضمير ديالك ومقتنع بواشت راك دير، بلا مادير الهيلالة والتحييحة الكبيرة.راها باين بلي لالة "نعم"تكون في صندوق العجب ولا صنيدقة السحرية،إلا أنه 99,99 غير تهنا ماغاديش تكون كما كانت توقع من قبل.

راه الفريق انتاع 20 فبراير =28فبراير-8فبراير،شهر ناقص مقارنة مع الشهور الأخرى يقولوا بحرية التعبير ب "لا"أو "نعم" أو "الانقطاع".ربما أهل الإختصاص في الأشهر يعطيوكم الجواب علاش الفبراريين قالوا هذا الشي ولا يخصكم تتصلوا بالسحارى والكزانا ويشرحوا لكم القضية بأن فيها إن وأخواتها.

كاين لي يقولوا "لا"

والنقابة انتاع الأخ السيد نوبير الأموي والمسماة القونفدرالية الديموكراتية للسعل اللي كدافع علئ الخدامة المقهورين ضد صحابين لكروش لكبيرة اللي يبغيوا ياكلوا غير روحهم بلا ما يوكلوا معهم شي واحد .هاذ الأخيرة راها تقول غذي تنظم عدة لقاءات و اجتماعات حتى تذكر الأسباب التي من وراءها غذ تقاطع الاستفتاء.ربما راهوم احتقروا كثيرا هما والخدامة انتاعهم وماكانش لي كان يسمعلهوم بزاف سوى أهل العصا لمن عصا.
وهي كمكون وطني موجودة في الساحة. إذا أراد أن يدلو أحد بدلوه من أصحاب نعم ماعليهم غير يتقدموا للساحة ويجيب لنا البيدو ديالهم ويوريونا بالمثل الرمزي "وريونا حنت يديهم"أو وشتا عندهم في الراس واش العجينة واش كاين شي ماء ولا غير التراب ولا جافيل والزغاريد
بغيناالاستفتاء يمشي في الطريق الصحيحة في الضو،وفي الشمس.الليلة خطينا بها ماكاتصلح غير لنعاس والتخرويض وحنا ما قادينش على هذاك شي.

إلا داروين قال يوما ما أن الإنسان أصله قرد،فنحن لسنا بغليين أصل المصطلح بغل حاشانا وحاشاكم،معذرة بغيت نقول ماديروناش اللثام لي يديروه على عنين البغل، وتطلقوا علينا العرفة والدقة المراكشية باش تخدرونا وتوجهونا إلى التوجيه لي تحبوه حتى إلا فقنا من التخدير ندمنا على ما فعلنا.خليوا الحرية ولو لأول مرة في العمر باش إل مات شي واحد يموت حر وحسابه مع الله سبحانه وتعالى الرحيم الرحمان.

راه كثرتوا علينا الظغط بزاف ياخوتنا اصحاب المخزن ولي معهم.خففواعلينا شي شوي رانا ماقديناش لكم.راه الظغط يولد الانفجار وتتهموننا من بعد بالإرهاب والتطرف،وحنا ماشي هذك شي لكاين.

ياصحابي أهل لالة "نعم" ولالة "لا" كل هذا شي إذا كان يدل فإنما يدل على أننا دخلنا في نقطة معركة التحرر من القبضة المخزنية التي لم تعلمنا إلا بتعاليم القبضة الحديدية أو واشنوا كاتسوا الزرواطة اللي كادر الطابع في الظهر انتاع العصاة بحال الشومارى القاريين...والنقابة
أو علاش ماحترمتوش الدستور ياخوتنا المخزن أو علمتونا بتعاليم الاسلام السمحاء رغم أن كل دساتير المغرب من ألفها إلى واوها تقر على أن الإسلام دين الدولة.

نتمنى غير الخير لهذا الوطن و للمواطنين.
السلام عليكم ياأيها الأحباب السي "ج"وباقي أولاد أحفير .
إلى اللكاء كما قال أنسبيكتور الطاهر رحمه الله.
والسلام

نشر بموقع أحفير أوروبا يوم : 24 06 2011


art. n° 1849











للإتصال بنا
إتصل ب كريكاتور التعبيري
ضاحية باريز ـ فرنسا
xx@xx.fr

© 2021 - carica